തിരുവനന്തപുരം: മുഖ്യമന്ത്രിയുടെ സംരംഭകത്വ വികസന പരിപാടി (സിഎംഇഡിപി) വിജയകരമായി നടപ്പാക്കിയതിന് കേരള ഫിനാന്‍ഷ്യല്‍ കോര്‍പ്പറേഷന് 2022 ലെ സ്‌കോച്ച്‌ ദേശീയ അവാര്‍ഡ്.
ദേശീയതലത്തില്‍ ഡിജിറ്റല്‍, സാമ്ബത്തിക, സാമൂഹിക മേഖലകളിലെ മികച്ച ശ്രമങ്ങള്‍ക്ക് നല്‍കുന്ന അംഗീകാരമാണിത്.
അഭിമാന നേട്ടം: മുഖ്യമന്ത്രിയുടെ സംരംഭകത്വ വികസന പരിപാടിയ്ക്ക് ദേശീയ അംഗീകാരം
സംരംഭക അഭിരുചിയുള്ള തൊഴില്‍രഹിതര്‍ക്ക് സംരംഭങ്ങള്‍ സ്ഥാപിക്കാന്‍ അഞ്ച് ശതമാനം പലിശ നിരക്കില്‍ ഒരു കോടി രൂപ വരെ ലളിത വ്യവസ്ഥകളില്‍ വായ്പ നല്‍കുന്ന പദ്ധതിയാണ് സിഎംഇഡിപി. ഇതു മുഖേന ഇതുവരെ 1894 ലധികം യൂണിറ്റുകള്‍ സ്ഥാപിക്കുകയും 158 കോടി രൂപ വായ്പ അനുവദിക്കുകയും ചെയ്തു. സംരംഭകര്‍ക്ക് അഞ്ച് ശതമാനം പലിശയ്ക്ക് രണ്ടു കോടി രൂപ വരെയുള്ള വായ്പ ഉടനടി ലഭ്യമാകും. ഓരോ വര്‍ഷവും 500 പുതിയ സംരംഭങ്ങള്‍ എന്ന കണക്കില്‍ അടുത്ത അഞ്ച് വര്‍ഷത്തിനുള്ളില്‍ 2500 സംരംഭങ്ങള്‍ തുടങ്ങാന്‍ ലക്ഷ്യമിട്ടിട്ടുണ്ട്. അതിനായി ഈ വര്‍ഷം സിഎംഇഡിപി വഴി 500 കോടി രൂപ അനുവദിക്കും.
Post a Comment