കല്പ്പറ്റ: വയനാട്ടില് ആദിവാസി യുവാവിനെ വാഹനത്തില് വലിച്ചിഴച്ചു. കൂടല്കടവ് ചെമ്മാട് നഗറിലെ മാതനെയാണ് റോഡിലൂടെ അരകിലോമീറ്ററോളം വലിച്ചിഴച്ചത്.
മാനന്തവാടി പുല്പള്ളി റോഡില് ഞായറാഴ്ച വൈകുന്നേരമായിരുന്നു സംഭവം.
കാറിലുള്ളവരെ പിടികൂടാനായില്ല. സംഭവത്തില് അരയ്ക്കും കൈകാലുകള്ക്കും സാരമായി പരിക്കേറ്റ മാതനെ മാനന്തവാടി മെഡിക്കല് കോളജില് പ്രവേശിപ്പിച്ചു.
കൂടല് കടവ് ചെക്ക് ഡാം കാണാൻ എത്തിയ വിനോദ സഞ്ചാരികളുമായുണ്ടായ വാക്ക് തർക്കമാണ് മാതനെ റോഡിലൂടെ വലിച്ചിഴക്കാൻ കാരണമെന്നാണ് ദൃക്സാക്ഷികള് പറയുന്നത്. രണ്ട് കാറുകളില് എത്തിയ വിനോദ സഞ്ചാരികളാണ് വലിച്ചിഴച്ചതെന്നും നാട്ടുകാർ പറയുന്നു.
Post a Comment