ഉപരാഷ്ട്രപതി ജഗ്ദീപ് ധന്‍കര്‍ ഇന്നു വൈകിട്ട് 4.40നു തിരുവനന്തപുരത്തെത്തും. 5നു ശ്രീപത്മനാഭ സ്വാമി ക്ഷേത്രത്തില്‍ ദര്‍ശനം നടത്തിയശേഷം അദ്ദേഹം രാജ്ഭവനിലേക്കു പോകും.
പത്നി ഡോ.സുധേഷ് ധന്‍കറും ഉപരാഷ്ട്രപതിക്കൊപ്പമുണ്ട്. രാജ്ഭവനില്‍ വൈകിട്ടു സന്ദര്‍ശകരെ കാണും. രാത്രി ഗവര്‍ണര്‍ ആരിഫ് മുഹമ്മദ് ഖാന്‍ നല്‍കുന്ന വിരുന്നിലും പങ്കെടുക്കും. തിങ്കളാഴ്ച രാവിലെ 9നു ക്ലിഫ് ഹൗസില്‍ മുഖ്യമന്ത്രി പിണറായി വിജയനൊപ്പമാകും പ്രഭാതഭക്ഷണം.
ഗവര്‍ണര്‍ ആരിഫ് മുഹമ്മദ് ഖാനും ഒപ്പമുണ്ടാകും. 10.30നു നിയമസഭാ മന്ദിരത്തിന്റെ രജതജൂബിലി ആഘോഷം ഉദ്ഘാടനം ചെയ്തശേഷം 12നു കണ്ണൂരിലേക്കു പോകും. കണ്ണൂര്‍ വിമാനത്താവളത്തില്‍നിന്നു തലശ്ശേരിയിലേക്കു പോകുന്ന ഉപരാഷ്ട്രപതി, അവിടെ തന്റെ അധ്യാപികയായിരുന്ന രത്ന നായരെ സന്ദര്‍ശിക്കും.
വിമാനത്താവളത്തില്‍ തിരികെയെത്തിയ ശേഷം ഹെലികോപ്റ്ററില്‍ ഏഴിമല നാവിക അക്കാദമിയിലേക്കു പോകും. 6.20നു അദ്ദേഹം ഡല്‍ഹിക്കു മടങ്ങും.
Post a Comment