'നാളെയും അവധിയാണ്, എന്നുവെച്ച് ഇന്നലെ പറഞ്ഞതൊന്നും മറക്കല്ലേ'വിദ്യാർത്ഥികൾക്ക് രസകരമായ ഉപദേശവുമായി കളക്ടർ കൃഷ്ണതേജ വീണ്ടും

ആലപ്പുഴ: ആലപ്പുഴ ജില്ലയിൽ അവധി പ്രഖ്യാപിച്ചതിന് പിന്നാലെ വിദ്യാർത്ഥികൾക്ക് രസകരമായ ഉപദേശവുമായി കളക്ടർ കൃഷ്ണതേജ. 'നാളെയും അവധിയാണ്, എന്നുവെച്ച് ഇന്നലെ പറഞ്ഞതൊന്നും മറക്കല്ലേ,' എന്ന് തുടങ്ങിയാണ് കളക്ടറുടെ ഫേസ്ബുക്ക് പോസ്റ്റ്. മാതാപിതാക്കളോട് കരുതൽ വേണമെന്നും കുറിപ്പിൽ പറയുന്നു. 'നല്ല ശീലങ്ങൾ പാലിക്കണം. മിടുക്കരാകണം. ഒരുപാട് സ്‌നേഹത്തോടെ, നിങ്ങളുടെ പ്രിയപ്പെട്ട കളക്ടര്‍ മാമന്‍' കളക്ടർ കുറിച്ചു.

(ഫേസ്ബുക്ക് കുറിപ്പിന്റെ പൂർണരൂപം താഴെ)

പ്രിയപ്പെട്ട കുട്ടികളെ,

നാളെയും അവധിയാണ് കേട്ടോ. എന്ന് വെച്ച് ഇന്നലെ പറഞ്ഞതൊന്നും മറക്കല്ലേ..

മഴക്കാലമായത് കൊണ്ട് തന്നെ അച്ഛനമ്മമാർ ജോലിക്ക് പോകുമ്പോൾ അവരുടെ ബാഗിൽ കുട, മഴക്കോട്ട്‌ എന്നിവ ഉണ്ടെന്ന് ഉറപ്പാക്കണം കേട്ടോ... പോകുന്നതിന് മുൻപ് അവരെ കെട്ടി പിടിച്ച് ഉമ്മ കൊടുക്കണം. 😘

ഞങ്ങൾ ഇവിടെ കാത്തിരിക്കുന്നെന്നും സൂക്ഷിച്ച് വണ്ടി ഓടിച്ച് വൈകിട്ട് നേരത്തെ വരണമെന്നും സ്നേഹത്തോടെ പറയണം. നല്ല ശീലങ്ങൾ പാലിക്കണം. മിടുക്കരാകണം.

ഒരുപാട് സ്‌നേഹത്തോടെ

നിങ്ങളുടെ പ്രിയപ്പെട്ട

കളക്ടര്‍ മാമന്‍😜