ചുമതല ഏറ്റെടുത്ത് ആദ്യ ഉത്തരവിൽ തന്നെ സ്കൂൾ അവധി അനുവദിച്ച ആലപ്പുഴ കളക്ടർ വിആർ കൃഷ്ണ തേജയുടെ ഫേസ്ബുക്ക് കുറിപ്പ് വൈറലാകുന്നു. 'നാളെ നിങ്ങള്‍ക്ക് അവധി പ്രഖ്യാപിച്ചിട്ടുണ്ട്. എന്ന് കരുതി വെള്ളത്തില്‍ ചാടാനോ ചൂണ്ട ഇടാന്‍ പോകല്ലേ. എല്ലാവരും വീട്ടില്‍ തന്നെ ഇരിക്കണം. നന്നായി പഠിച്ച് മിടുക്കരാകൂ' എന്നിങ്ങനെ കളക്ടർ കുറിച്ചു. മിനിറ്റുകൾക്കുള്ളിൽ നിരവധി പേരാണ് കളക്ടറുടെ കുറിപ്പ് ഏറ്റെടുത്തത്.
(ഫേസ്ബുക്ക് കുറിപ്പിന്റെ പൂർണരൂപം താഴെ)
"പ്രിയ കുട്ടികളെ,
ഞാന്‍ ആലപ്പുഴ ജില്ലയില്‍ കളക്ടറായി ചുമതല ഏറ്റെടുത്തത് നിങ്ങള്‍ അറിഞ്ഞു കാണുമല്ലോ.
എന്റെ ആദ്യ ഉത്തരവ് തന്നെ നിങ്ങള്‍ക്ക് വേണ്ടിയാണ്. നിങ്ങളുടെ സുരക്ഷ ഉറപ്പാക്കാന്‍ വേണ്ടിയാണ്.
നാളെ നിങ്ങള്‍ക്ക് ഞാന്‍ അവധി പ്രഖ്യാപിച്ചിട്ടുണ്ട്.
എന്ന് കരുതി വെള്ളത്തില്‍ ചാടാനോ ചൂണ്ട ഇടാനോ പോകല്ലേ. നമ്മുടെ ജില്ലയില്‍ നല്ല മഴയാണ്. എല്ലാവരും വീട്ടില്‍ തന്നെ ഇരിക്കണം. അച്ഛൻ അമ്മമാര്‍ ജോലിക്ക് പോയിട്ടുണ്ടാകും. അവരില്ലെന്ന് കരുതി പുറത്തേക്ക് ഒന്നും പോകരുത്. പകര്‍ച്ചവ്യാധി അടക്കം പകരുന്ന സമയമാണ്. പ്രത്യേകം ശ്രദ്ധിക്കണം.
കൃത്യ സമയത്ത് ഭക്ഷണം കഴിക്കണം. അവധിയെന്ന് കരുതി മടി പിടിച്ച് ഇരിക്കാതെ പാഠ ഭാഗങ്ങള്‍ മറിച്ചു നോക്കണം. നന്നായി പഠിച്ച് മിടുക്കരാകൂ...
സനേഹത്തോടെ"
Post a Comment