ഡല്‍ഹി: കോവിഡ് മുന്നറിയിപ്പെന്ന വ്യാജേന ഇന്ത്യയില്‍ വന്‍ സൈബര്‍ ആക്രമണത്തിന് സാധ്യതയെന്ന് കേന്ദ്രസര്‍ക്കാറിന്‍െറ മുന്നറിയിപ്പ്.
വ്യക്തിഗത വിവരങ്ങളും സാമ്ബത്തിക വിവരങ്ങളും ചോര്‍ത്തുന്ന ഫിഷിങ് ആക്രമണമാണ് ഉണ്ടാവുകയെന്നും സൈബര്‍ സെക്യൂരിറ്റി ഏജന്‍സി സെര്‍ട്ട്-ഐ.എന്‍ പറയുന്നു.
ഉത്തരകൊറിയന്‍ ഹാക്കര്‍മാരാണ് സൈബര്‍ ആക്രമണത്തിന് തയാറെടുക്കുന്നത്. കോവിഡുമായി ബന്ധപ്പെട്ടതെന്ന വ്യാജേന ഇ-മെയിലുകള്‍ എത്തുമെന്നാണ് സൈബര്‍ വിദഗ്ധര്‍ ചൂണ്ടിക്കാട്ടുന്നത്. ഇമെയിലിലെ ലിങ്കില്‍ ക്ലിക്ക് ചെയ്താല്‍ മറ്റൊരു വെബ്സൈറ്റിലേക്ക് പോവുകയും സൈറ്റിലെ ഫയല്‍ ഡൗണ്‍ലോഡ് ചെയ്യുകയും ചെയ്യുന്നതോടെ കമ്ബ്യൂട്ടറിലെ വിവരങ്ങള്‍ ഹാക്കര്‍മാര്‍ക്ക് ലഭിക്കുന്നു. വ്യക്തിഗത വിവരങ്ങളും സാമ്ബത്തിക ഇടപാട് സംബന്ധിച്ച വിവരങ്ങളുമാണ് ഹാക്കര്‍മാര്‍ ചോര്‍ത്തുക.
20 ലക്ഷം ഇമെയില്‍ ഐ.ഡികളിലേക്ക് ഫിഷിങ് മെയില്‍ എത്താമെന്നാണ് മുന്നറിയിപ്പ്. ഡല്‍ഹി, മുംബൈ, ഹൈദരാബാദ്, ചെന്നൈ, അഹമ്മദാബാദ് തുടങ്ങിയ നഗരങ്ങളില്‍ സൗജന്യ കോവിഡ് ടെസ്റ്റ് നടത്തി നല്‍കാമെന്ന് പറഞ്ഞാവും മെയിലുകള്‍ എത്തുക. മെയിലിനൊപ്പമുള്ള അറ്റാച്ച്‌മെന്‍റുകള്‍ തുറക്കുകയോ ലിങ്കുകളില്‍ ക്ലിക്ക് ചെയ്യാതിരിക്കുകയോ ചെയ്യുന്നത് മാത്രമാണ് സൈബര്‍ ആക്രമണത്തില്‍ നിന്നും രക്ഷപ്പെടാനുള്ള ഏകപോംവഴിയെന്നും വിദഗ്ധര്‍ അറിയിക്കുന്നു.
Post a Comment