ഡല്ഹി: രാജ്യത്ത് വിപിഎൻ (വെർച്വല് പ്രൈവറ്റ് നെറ്റ്വർക്ക്) സേവനം നല്കുന്ന കമ്പനികള്ക്കുമേല് നിയന്ത്രണം ശക്തമാക്കാൻ കേന്ദ്ര സർക്കാർ.ഇതിനായി പുതിയ നിയമം കൊണ്ടുവരാൻ ഒരുങ്ങുകയാണ് സർക്കാർ. രാജ്യത്ത് ടിക്ക് ടോക്ക് ഉള്പ്പെടെയുള്ല നിരോധിച്ച ആപ്പുകളും വെബ്സൈറ്റുകളും ഉപയോഗിക്കുന്നതിനായി ആളുകള് വിപിഎൻ ദുരുപയോഗം ചെയ്യുന്നത് തടയാൻ ലക്ഷ്യമിട്ടുള്ളതാണ് പുതിയ നിയമം.
ഈ നിയമപ്രകാരം വിപിഎൻ കമ്പനികള് ഇന്ത്യയില് പ്രത്യേക കംപ്ലയൻസ് ഓഫീസർമാരെ നിയമിക്കണം. സർക്കാരുമായും അന്വേഷണ ഏജൻസികളുമായും സഹകരിച്ച് പ്രവർത്തിക്കണം. ഇത്തരം കർശന വ്യവസ്ഥകള് ഉള്പ്പെടുത്തിയാകും നിയമനിർമ്മാണം. 2022ല് ഇന്ത്യൻ കംപ്യൂട്ടർ എമർജൻസി റെസ്പോണ്സ് ടീം ഉപയോക്താക്കളുടെ പേര്, ഇമെയില്, ഫോണ് നമ്പർ, ഐപി അഡ്രസ് എന്നിവ ഉള്പ്പെടെയുള്ള വിവരങ്ങള് വിപിഎൻ കമ്പനികളോട് അഞ്ചുവർഷമെങ്കിലും സൂക്ഷിക്കണമെന്ന് നിർദേശിച്ചിരുന്നു.
Post a Comment